Search on this blog...

Like us on Facebook

Cabalantian Bacolor Pampanga History

Ing barrio Cabalantian kanita kanung minuna, aus da PULUNG BALANTI ngara pugad ne ning sinta. Kanitang Y datu Ormoc yang gugubierno iti atin yang anak a malagu Balanti ing palayo na. Pulung neman ing lalaking kesumpanan na king sinta. Itang pamipalsinta ra abalitan na ning datu, kilung ne ing anak na balang lubus mikandayu. Ing magsalbat a dalaga tatangis ya ing kayang pusu angga king ene abata nitang masaspak ng salu. Kusa yang migpakamate anung nula mitatabnu. Ketang lugal a sinaksi ketang sinta ng mebigo. Kabud abalu ng Pulung king makanian a miliari, agad agad pintalan ne kesumpanan ng babae. Panakit na kang Balanti itang punial na begut ne, siksak ne ing kayang salu tatangis mangulele. Kayagnan na ning gulisak magsaya ka kakung bandi. Nung keti alang ligaya kamtan ta king aliwang bie. Pamanakit na ning datu karing martir na ning sinta, tatangis ya at magsalbat dapot ing sabla tauli na gabakan ne man ing yatu ing merapat merapat na. Bie nang Pulung at Balanti ena miuman misubli pa. Inia ing depat na namu anting tauling panalala ketang paldas a kutkutan misisiping lang kitkut da. Kelambatan ning panaun dinatang la ding Kastila. Illa ding ginubierno keting barrio memahala .Tilduan deng bilang pamantuk anting talapangasiwa itang Francisco de Jesus masipag at maganaka. Inia king pamaglibut na ikit na anti mong mala ating tinubung tanaman king pikutkutan ding adua. Itang tinubung tanaman malabung ya at meleparan, Ing lugal binang malungkot meging gubat at kakewan. Inia Y Francisco de Jesus ngana iti Cabalantian uling karin ya tinubu king karelang pikutkutan ngana wari iting lugal makanian ya kabaldugan, Eden ya at Paraiso ning mayumung kapalsintan.

Credit to "Vener Panday Vergara"
 https://www.facebook.com/vener.p.vergara
Related Posts with Thumbnails